Sabay

ស្ពានអាកាសឥឡូវយ៉ាងម៉េចដែរ?

ផ្សាយក្នុងផ្នែក ជីវិតខ្ញុំ, ជីវិតនិងសង្គម ដោយ វណ្ណា ចេង កាលពី 7 Sep 2010

នៅក្បាលថ្នល់ដែលធ្លាប់តែកកស្ទះខ្លាំង ពេលនេះការធ្វើដំណើរទៅមកមានលក្ខណៈងាយស្រួលជាងមុខដោយសារមាន ស្ពានអាកាសជាអ្នកជួយសម្រួល។ ប្រសិនបើយើងធ្វើដំណើរឆ្លងកាត់ក្បាលថ្នល់ យើងនឹងមិនសូវមានការព្រួយបារម្ភការកកស្ទះចរាចរណ៍ដូចមុនទៀត ហើយ ដោយសារតែស្ពានអាកាសជាអ្នកជួយកាត់បន្ថយការកកស្ទះទាំងនេះ។ ខាងក្រោមនេះគឺទស្សនៈលើកឡើងមួយចំនួន តាមរយៈបទសម្ភាសន៍របស់លោក ខុត សីហា អ្នកយកព័ត៌មានរបស់ “សប្បាយ”ជាមួយអ្នករស់នៅជិត ក្បាលថ្នល់ក៏ដូចជាអ្នករត់ម៉ូតូឌុប។

លោក គីម សូរិយា ដែលជាអាជីវករលក់គ្រឿងក្លែមនៅក្បាលថ្នល់បានប្រាប់”សប្បាយ “ថា ក្បាលថ្នល់នៅពេលនេះលែងមានការកកស្ទះដូចកាលពីមុនទៀតហើយ គឺកាលមិនទាន់មានស្ពានអាកាសនិងស្ពានព្រះមុនីវង្សថ្មី ជារៀងរាលពេលព្រឹកពេល ថ្ងៃត្រង់ និងពេលល្ងាច គឺមានការកកស្ទះខ្លាំងណាស់។ លោកបានបន្តទៀតថាការកកស្ទះខ្លាំងបំផុតគឺនៅពេលមានបុណ្យជាតិធំៗ ដូច ជាបុណ្យចូលឆ្នាំខ្មែរ បុណ្យភ្ជុំបិណ្ឌ និង បុណ្យអុំទូក ការកកស្ទះខ្លាំងបំផុតដែលមានរយៈពេលចាប់ពី២ម៉ោងរហូតដល់ទៅ៤ម៉ោង ឯណោះ។

ចំណែកលោក ប៊ុត សាន្ត ដែលជាអ្នករត់ម៉ូតូឌុបនៅទល់មុខហាងសាំង សូគីម៉ិចក្បាលថ្នល់ បានប្រាប”សប្បាយ”ក្នុង ទស្សនៈដូចនឹងអាជីករខាងលើផងដែរថា ក្បាលថ្នល់ពេលនេះលែងមានការកកស្ទះដូចកាលពីមុនទៀតហើយ បើតាមការពិនិត្យមើលទៅគឺវាឈប់ស្ទះចរាចរណ៍១០០%តែម្ដង ហើយលោកបានបន្តទៀតថាកាលពីលើកមុន ពេលស្ទះម្ដងៗគឺចំណាយសាំងអស់ច្រើនណាស់។

រាជធានីភ្នំពេញទើបតែមានស្ពាន អាកាសជាលើកដំបូងបង្អស់ហើយក៏ជាសមិទ្ធផលដំបូងរបស់ប្រទេស កម្ពុជាដែលបានកសាងចប់នៅក្នុងឆ្នាំ២០១០នេះ៕

អត្ថបទ៖ ខុត សីហា

ចែករំលែកទៅ:

មានមតិ »

ជម្រុះ Euro ២០១២ យប់នេះ

ផ្សាយក្នុងផ្នែក កម្មវិធីប្រកួត ដោយ mengkiang កាលពី 7 Sep 2010

យប់នេះក្រុមអង់គ្លេសដែលស្ថិតក្នុងពូល Gនឹងធ្វើដំណើរទៅប្រកួតនៅទឹកដីស្វីសបន្ទាប់ពីបានយកឈ្នះ ៤-០លើ ប៊ុលហ្គារីកាលពីយប់ថ្ងៃសុក្រសប្ដាហ៍មុន។

ក្រុមជើងឯករងបាល់ទាត់ពិភពលោក World Cupហុល្លង់ស្ថិតនៅក្នុងពូល E បើកទ្វាផ្ទះស្វាគមន៍ក្រុមហ្វាំងឡង់។ កាលពីយប់ថ្ងៃសុក្រសប្ដាហ៍មុន ហុល្លង់បានបង្ហាញទម្រង់លេងដ៏ល្អដោយយកឈ្នះលើសាន់ម៉ារីណូ៥-០ នៅក្រៅផ្ទះក្នុងនោះ K.J. Huntelaar ស៊ុតបានរហូតដល់បីគ្រាប់ចំណែកឯ D. Kuyt និង R.v. Nistelrooy រកបានម្នាក់មួយគ្រាប់។

ក្រុមជើងឯក Euro ឆ្នាំ២០០០បារាំងស្ថិតក្នុងពូលD ពិតជាខកចិត្តខ្លាំងណាស់កាលពីថ្ងៃសុក្រសប្ដាហ៍មុនដោយសារថ្វីជើងមួយគ្រាប់របស់កីឡាករ S. Kislyak របស់បេឡារូស នៅនាទី៨៦ដែលធ្វើអោយគ្រូបង្វឹកទើបចូលកាន់ដំណែងលោក Blanc មានការមិនពេញចិត្តចំពោះទម្រង់លេងដ៏អាម៉ាស់ដូចកាលពី World Cup។ តើយប់នេះក្រុមមាន់គកបារាំងអាចស្តាកិត្តិយសវិញបានទេ ?

តារាងការប្រកួតជម្រុះ Euro ២០១២យប់នេះ

Group A	Group B
Turkeyប្រកួតនឹង Belgium	Russiaប្រកួតនឹងSlovakia
Austria ប្រកួតនឹង Kazakhstan	Rep. of Macedoniaប្រកួតនឹងArmenia
Germanyប្រកួតនឹងAzerbaijan	Rep. of Irelandប្រកួតនឹងAndorra
Group C	Group D
Serbiaប្រកួតនឹងSlovenia	Belarusប្រកួតនឹងRomania
Italyប្រកួតនឹងFaroe Islands	Albaniaប្រកួតនឹងLuxembourg
Group E	Group F
Swedenប្រកួតនឹងSan Marino	Georgiaប្រកួតនឹងIsrael
Hollandប្រកួតនឹងFinland	Maltaប្រកួតនឹងLatvia
Hungaryប្រកួតនឹងMoldova	Croatiaប្រកួតនឹងGreece
Group G	Group H
Bulgariaប្រកួតនឹងMontenegro	Denmarkប្រកួតនឹងIceland
Switzerlandប្រកួតនឹងEngland	Norwayប្រកួតនឹងPortugal
Group I
Czech Republicប្រកួតនឹងLithuania
Scotlandប្រកួតនឹងLiechtenstein

បកប្រែៈ ឆន ទិត្យ

កែសម្រួលៈ ស្រ៊ុន ម៉េងគាង

ចែករំលែកទៅ:

មានមតិ »

នាង យូការី នីស៊ីអូ ត្រៀមរៀបការ

ផ្សាយក្នុងផ្នែក កម្សាន្ត, ព័ត៌មាន ដោយ វណ្ណា ចេង កាលពី 7 Sep 2010

អ្នកអានព័ត៌មាន ទូរទស្សន៍ NTV របស់ជប៉ុន នាងយូការី នីស៊ីអូ ទើបតែភ្ជាប់ពាក្យរួចថ្មីៗនិងត្រៀមរៀបការការនៅក្នុងខែកញ្ញា នេះតែម្ដង។

ប្រភពដែលទាក់ទង ជាមួយបណ្ដាញទូរទស្សន៍នេះ បាននិយាយថា នីស៊ីអូ នឹងប្រកាសថ្ងៃរៀបការជាផ្លូវការនៅចុងខែកញ្ញានេះ។ អនាគតស្វាមីរបស់នាងគឺជាបុរសអាយុចាស់ជាងនាងចំនួន៣ឆ្នាំ និងជាអ្នកធ្វើការនៅក្នុងក្រុមហ៊ុនផ្សាយពាណិជ្ជកម្មមួយដែលមាន មុខតំណែងជាអ្នកធ្វើផែនការពាណិជ្ជកម្ម។ កាលពីថ្ងៃច័ន្ទម្សិលមិញ កាសែតខ្នាតតូចមួយបានរាយការណ៍ថា អ្នកអានព័ត៌មានរូបនេះនឹងរៀបចំពិធីរៀបការរបស់ខ្លួននៅក្នុងកោះ ហាវ៉ៃ។

នាង នីស៊ីអូ ដែលមានវ័យ៣៣ឆ្នាំរូបនេះ បានធ្វើអ្នកអានមាតិកានៃកម្មវិធីទូរទស្សន៍ ក៏ដូចជាអ្នកអានព័ត៌មាន ចាប់តាំងពីឆ្នាំ២០០១មកម្ល៉េះ ហើយថ្មីៗនេះកំពុងផលិតនិងពិធីករកម្មវិធី “Zoom In!! SUPER” ហើយនាងក៏ធ្លាប់ជា ពិធីករនៅក្នុងកម្មវិធី “24 Hour Television” ប្រចាំឆ្នាំ អស់រយៈពេល៦ឆ្នាំចុងក្រោយផងដែរ៕

បកប្រែ៖ ចេង វណ្ណា

ចែករំលែកទៅ:

មានមតិ »

មច្ឆាដ៏កម្រនៅអាត្លង់ទិច

ផ្សាយក្នុងផ្នែក ជីវិតនិងសង្គម, សប្បាយ ដោយ chip.chet កាលពី 7 Sep 2010

កិច្ចស្រាវជ្រាវជីវិតសត្វសមុទ្រដ៏ធំមួយបានបង្កើតឡើងដោយអ្នកវិទ្យាសាស្ត្រជុំវិញពិភពលោក ដែលក្នុងនោះរួម វិទ្យាស្ថានស្រាវជ្រាវទឹក និងបរិយាកាសជាតិរបស់ញ៉ូហ្សឺឡែន និងវត្តមានសរុបជាមួយបណ្ដាអ្នកស្រាវជ្រាវជីវៈចម្រុះក្នុងទឹកជាង ៣០ ០០០នាក់ផ្សេងទៀត។ រយៈពេល៣៥ ថ្ងៃសម្រាប់ការស្រាវជ្រាវស្វែងរកនូវអ្វីដែលប្លែកៗ ថ្មីៗ ហើយជាលទ្ធផលអ្នកទាំងនោះទទួលបាននូវជីវិតប្លែកៗ និងកម្រដែលមនុស្សភាគច្រើនមិនធ្លាប់បានស្គាល់ ឃើញនិងសូម្បីតែឮឈ្មោះ។ ក្នុងទំព័រនេះសប្បាយសូមលើកយកនូវពពួកសត្វប្លែកៗ ទាំងនោះមកបង្ហាញជូន៖

ជ្រូកសមុទ្រដែល អ្នក មិនធ្លាប់ឃើញ

ពីងពាងសមុទ្រ រកឃើញនៅមហាសមុទ្រអាត្លង់ទិចភាគទក្សិណ

បង្កងamphipodរកឃើញនៅមហាសមុទ្រអាត្លង់ទិចនៅឆ្នាំ២០០៤

ត្រីមាត់កាំបិត

ត្រីStareater ដ៏ចម្លែក

មឹកអង់តាក់ទិច រកឃើញក្នុងជម្រៅ ៣២៨០ហ្វីត

បកប្រែៈ ជីព ចិត្ត

ចែករំលែកទៅ:

មានមតិ »

ហ៊ឹម ស៊ីវន ប្រតិកម្មរឿងពាក់ព័ន្ធនឹងពេជ្ជតា!

ផ្សាយក្នុងផ្នែក ព័ត៌មាន ដោយ mengkiang កាលពី 7 Sep 2010

ក្នុងការបង្ហាញមុខជាថ្មីម្ដងទៀតកាលពីថ្ងៃអាទិត្យនៅស្ថានីយ៍បាយ័នតារាចម្រៀងលំដាប់ប្រទេសហ៊ឹម ស៊ីវន បានបង្ហាញអារម្មណ៍ខឹងសម្បារយ៉ាងខ្លាំងជាមួយនឹងព័ត៌មានដែលថាអ្នកស្រីមានទំនាស់និងតារាចម្រៀង ម៉េង កែវពេជ្ជតា ។

អ្នកស្រីរំលឹកប្រាប់”សប្បាយ”ថា មុននេះមានព័ត៌មានមួយបានចុះផ្សាយថា អ្នកស្រី និងតារាចម្រៀងម៉េង កែវពេជ្ជតា មានទំនាស់អាក់អន់ចិត្តគ្នា ដែលនោះគឺមិនមែនជារឿងពិតទាល់តែសោះ។
«មិនដឹងថាគេបានរឿងមកពីណាទេស្រាប់តែមានព័ត៌មានមួយនិយាយថា ខ្ញុំនិងពេជ្ជតា មិនត្រូវគ្នា ព្រោះតែរឿងប្រជែងបទគ្នាច្រៀង ដោយចោទទាំងថាខ្ញុំមិនសូវចូលចិត្តនឹងជីវិតឯកជនរបស់គាត់ទៀតផង»។

ជាមួយនឹងការអះអាងនេះអ្នកស្រីប្រាប់ថា អ្នកស្រីនិងតារាចម្រៀងពេជ្ជតា ពិតជាមិនសូវនិយាយគ្នាលេងប្រាកដមែនព្រោះម្នាក់ៗសុទ្ធតែមានការងារផ្ទាល់ខ្លួន តែអ្នកស្រីបន្តថា «ខ្ញុំនិងពេជ្ជតា មិនដែលមានរឿងល្អក់កករទេ ប៉ុន្តែពួកយើងពិតជាមិនសូវបាននិយាយគ្នាលេងមែន បើទោះជាច្រៀងក្នុងកម្មវិធីជាមួយគ្នាដ៏ដោយ »។

រាជនីសំឡេងមាសពិបាករកអ្នកស្នងក្នុងយុគសម័យថ្មីរូបនេះពន្យល់ថា ក្នុងកម្មវិធីថតច្រៀង ឬឡើងឆាកម្ដងៗ អ្នកស្រី និងពេជ្ជតា បានត្រឹមតែញញឹម និងសួរនាំគ្នាពីរបីម៉ាត់ប៉ុណ្ណោះ ព្រោះរវល់ទន្ទេញប៉ារូល និងត្រូវរៀបចំសំលៀកបំពាក់មុនការបង្ហាញមុខលើឆាក ឬចូលបន្ទប់ថតសំឡេង។ អ្នកស្រីថ្លែងថា «ទម្លាប់បែបនេះ មិនមែនតែជាមួយពេជ្ជតាទេ គឺគ្រប់តារាសុទ្ធតែបែបហ្នឹង គឺទាល់តែទំនេរពីការច្រៀងឯណោះទើបនិយាយលេងជាមួយគ្នា។

ជាមួយនឹងការចុះផ្សាយមិនពិតនោះ ធ្វើអោយអ្នកស្រីមិនសូវសប្បាយចិត្តទេ ហើយក៏ចង់ខ្លាចនឹងការនិយាយស្ដីជាមួយនឹងអ្នកសារព័ត៌មានដែរ ដោយសារតែរងការបំផ្លើសបែបហ្នឹង។ អ្នកស្រីបញ្ជាក់ថា ក្នុងនាមជាតារា អ្នកស្រីមិនខ្លាចទទួលស្គាល់ការពិតទេ ប៉ុន្តែបើចំពោះរឿងមិនពិតវិញ គឺមិនអាចទទួលយកឡើយ ទោះជារឿងតូចតាចក៏ដោយ។
អ្នកស្រីហ៊ឹម ស៊ីវន បញ្ចប់ថា អ្នកស្រី និងតារាចម្រៀង ម៉េងកែវពេជ្ជតា រាប់អានគ្នាយូរមកហើយមិនដែលមានគំនិតច្រណែនគ្នា រឿងផលិតកម្ម ឬម្ចាស់កម្មវិធីចែកបទចម្រៀងមិនស្មើនោះទេ ។ «ឈ្លោះគ្នាយ៉ាងម៉េច បើកាលប្រលងចម្រៀងជាតិជាសកលមុននេះ ខ្ញុំនិងគាត់អង្គុយធ្វើគណៈមេប្រយោគជាប់គ្នា និងថតរូបជាមួយគ្នាហ្នឹង!»។

អត្ថបទៈ សុខឧត្តម
កែសម្រួលៈ ម៉ីសន សុធារី

ចែករំលែកទៅ:

មានមតិ »

អ្ហាក! ជឿទេថាដំរីខ្លាចស្រមោច

ផ្សាយក្នុងផ្នែក ជីវិតនិងសង្គម, ព័ត៌មាន ដោយ chip.chet កាលពី 7 Sep 2010

ក្រុមអ្នកស្រាវជ្រាវនៅប្រទេសកេនយ៉ា បានធ្វើការពិសោធន៍ទៅលើដំរីមួយហ្វូងអោយស៊ីស្លឹកAcacia ។ មិនបានប៉ុន្មានផងស្លឹកដើមAcaciaជាច្រើនត្រូវបានកាច់ផ្ដាច់មែក ទាញបំផ្លាញយ៉ាងរង្គាល។ ដោយឡែកចំពោះដើមទាំងឡាយណាដែលមានស្រមោចការពារគឺមិនត្រូវទទួលរងការខូច ខាត ឡើយ។ ហេតុដូច្នេះ ទើបអ្នកវិទ្យាសន្និដ្ឋានបានថា ដំរីខ្លាចស្រមោច ដែលនៅការពារតាមមែក និមួយៗនៃដើមAcaciaខាងលើ។ ធ្វើទៅទើបដំរី ដឹងថាដើមមួយណា? មែកមួយណាមានស្រមោចទៅ? គឺវាដឹងដោយសារក្លិន តាមរយៈប្រមោយរបស់វា។ នៅពេលដែលញាណរបស់វាទទួលបាននូវក្លិនរបស់ស្រមោចទាំងនោះហើយ វាដឹងថា ប្រសិនបើខ្លួននៅតែស៊ីស្លឹកនេះប្រាកដជាត្រូវស្រមោចទាំងនោះខាំ ជាក់ជាមិនខាន។

អ្នកស្រាវជ្រាវម្នាក់ក្នុងចំណោមបណ្ដាក្រុមស្រាវជ្រាវខាងលើនេះប្រចាំនៅប្រទេសនេះ បានថ្លែងប្រាប់យ៉ាងដូច្នេះថា ”ស្រមោចជាសត្វដែលស្រលាញ់ ផ្ទះ ស្រលាញ់សំបុករបស់វាណាស់ អោយតែមាននរណាទៅប៉ះ ឬរុះរើសំបុករបស់វា គឺវាព្រួតដៃទាំងហ្វូងចេញទៅខាំ តបតជាមួយនឹងអ្នកដែលតាំងខ្លួនជាសត្រូវ ដែលមកបំផ្លាញសំបុករបស់វាជាក់ជាមិនខាន មិនថាសត្រូវនោះមានកម្លាំង ឬមាឌធំប៉ុណ្ណាក៏ដោយ។ ក្នុងនាមជាអ្នកសិក្សាស្រាវជ្រាវតាមដានពីប្រព័ន្ធអេកូឡូស៊ីគឺ ត្រូវទម្លាប់ខ្លួនទៅនឹងការទិច ឬខាំរបស់សត្វល្អិត ដូចជាខ្ញុំជាគំរូ” ប្រភពBBC News៕

បកប្រែៈ ជីព ចិត្ត

ចែករំលែកទៅ:

មានមតិ »

Maria Sharapovaខកចិត្តនៅជុំទី៤

ផ្សាយក្នុងផ្នែក លទ្ធផល ដោយ chip.chet កាលពី 7 Sep 2010

Maria Sharapova ជើងខ្លាំងវាយតិន្នីសផ្នែកនារីលំដាប់លេខ១៧របស់ពិភពលោកនិងជាអតីតជើងឯកUS Open ២០០៦មកពីរុស្សីបានចាញ់Caroline Wozniacki លំដាប់លេខ២របស់ពិភពលោកនិងជាជើងឯករងកម្មវិធីUS Openកាលពីឆ្នាំ២០០៩មកពីដាណឺម៉ាកដោយលទ្ធផលពីសិតជាប់គ្នា៣-៦ ៤-៦។ Caroline Wozniacki នឹងប្រឈមជាមួយDominika Cibulková លំដាប់លេខ៤៥របស់ពិភពលោកមកពីស្លូវ៉ាគីដែលបានយកឈ្នះSvetlana Kuznetsova មកពីរុស្សីកាលពីយប់មិញ។

Samantha Stosur លំដាប់លេខ៦របស់ពិភពលោកមកពីអូស្ត្រាលីត្រូវជួបជាមួយជើងខ្លាំងKim ClijstersKim Clijsters មកពីបែលហ្សិកដែលជាប់លំដាប់ថ្នាក់លេខ៣ពិភពលោក និងជាម្ចាស់ជើងឯក US Open ២០០៥ និង២០០៩។ តើសំណាងរបស់Samantha Stosur កើតមានទៀតទេនៅពេលជួបលំដាប់លេខ២របស់ពិភពលោកនៅវគ្គ១/៤យប់នេះ?

C. Wozniacki      យកឈ្នះ   M. Sharapova    ដោយលទ្ធផល 6-3 6-4
S. Stosur    យកឈ្នះ   E. Dementieva ដោយលទ្ធផល        6-3 2-6 7-6
D. Cibulkova      យកឈ្នះ   S. Kuznetsova   ដោយលទ្ធផល        7-5 7-6
K. Kanepi           យកឈ្នះ   Y. Wickmayer   ដោយលទ្ធផល         0-6 7-6 6-1
V. Zvonareva     យកឈ្នះ   A. Petkovic        ដោយលទ្ធផល        6-1 6-2

បកប្រែៈ ឆន ទិត្យ

ចែករំលែកទៅ:

មានមតិ »

សិល្បករកូរ៉េ៤៤នាក់ ទាញទាក់អ្នកទស្សនា១ម៉ឺន៥ពាន់នាក់នៅអាមេរិក

ផ្សាយក្នុងផ្នែក កម្សាន្ត, សប្បាយ ដោយ វណ្ណា ចេង កាលពី 7 Sep 2010

បណ្ដាសិល្បករកូរ៉េ របស់ក្រុមហ៊ុន SM Entertainment មានទាំងតារាចម្រៀង ក្រុមតារាចម្រៀង និង តារាភាពយន្តសរុប៤៤រូបបានឡើងឆាកប្រគំតន្ត្រីមួយដែលរៀបចំឡើងនៅ ទីក្រុង Los Angles រដ្ឋកាលីហ្វូញ៉ា សហរដ្ឋកាលពីថ្ងៃសៅរ៍សប្ដាហ៍មុននេះ ដោយទាក់ទាញបាននូវទស្សនិកជនជាអ្នកគាំទ្រប្រមាណ១៥ ០០០នាក់។

សិល្បករទាំង៤៤នាក់នោះ រួមបញ្ចូលទាំងកំពូកតារាចម្រៀងរបស់កូរ៉េដូចជា ក្រុម Super Junior, ក្រុម SHINee, និង Girl’s Generation ជាដើម។ ការប្រគំតន្ត្រីនេះ ចាប់ផ្ដើមដំបូងជាមួយបទ “Shine” របស់ J-min ដែលជាសមាជិកនៅ ក្រុម The Grace និង កំពូលតារាចម្រៀងផ្សេងទៀតជាច្រើនរូបបានបន្តច្រៀង។ នៅក្នុងនោះដែរក៏មានវត្តមាន តារាចម្រៀងរបស់អាមេរិក Ke$ha ដែលបានបង្ហាញបទ ចម្រៀង “Tik Tok” របស់ខ្លួនផងដែរ។ ការប្រគំតន្ត្រីមានរយៈពេល៤ម៉ោងនិងបានបញ្ចប់ទៅដោយការ ច្រៀងរួមរបស់សិល្បករទាំងអស់គ្នាតាមរយៈបទ “Hope” របស់ក្រុម H.O.T ផងដែរ។

សិល្បកររបស់ក្រុមហ៊ុននេះនឹងធ្វើដំណើរទៅកាន់ទីក្រុង ស៊ាងហៃ ប្រទេសចិនទៀតនៅថ្ងៃទី១១ខែកញ្ញានេះ នៅក្នុងកីឡាដ្ឋានបាល់ទាត់ Hongkou ព្រមទាំងបន្តទៅ ទីក្រុងតូក្យូ ប្រទេសជប៉ុននៅខែមករាឆ្នាំក្រោយ។

បកប្រែ៖ ចេង វណ្ណា

ចែករំលែកទៅ:

មានមតិ »

ឆាយ ច័ន្ទស៊ីថារី៖ ខ្ញុំចង់បានមេដាយ

ផ្សាយក្នុងផ្នែក កីឡា ដោយ chip.chet កាលពី 7 Sep 2010

កីឡាការិនីឆាយ ច័ន្ទស៊ីថារី បានប្រាប់”សប្បាយ”ថា “ខ្ញុំចង់បានមេដាយជូនជាតិមាតុភូមិផងនិងដើម្បីផ្សព្វផ្សាយកីឡាគុនដាវនៅកម្ពុជាអោយមានភាពល្បីល្បាញផង”។ នៅខែធ្នូឆ្នាំ២០១០ខាងមុខសហព័ន្ធគុនដាវកម្ពុជានឹងបញ្ជូនកញ្ញាឆាយ ច័ន្ទស៊ីថារី ដើម្បីទៅចូលរួមប្រកួតកីឡាគុនដាវដែលមាន៧ប្រទេសចូលរួមដែលប្រារព្ធធ្វើឡើងនៅប្រទេសប្រ៊ុយណេ។

កញ្ញាឆាយ ច័ន្ទស៊ីថារី មានមហិច្ឆតាយ៉ាងមោះមុតដើម្បីធ្វើអោយកីឡាគុនដាវនៅកម្ពុជាមានភាពរីកចំរើន ដូចនេះកញ្ញាខិតខំប្រឹងប្រែងហ្វឹកហាត់យ៉ាងខ្លាំងជារៀងរាល់សប្ដាហ៍មិនដែលខានឡើយ។ កាលពីមិនទាន់ហាត់កញ្ញាថាមានការញញើតដែរ តែដល់ពេលចូលហ្វឹកហាត់យួៗទៅស៊ាំហើយ ប៉ុន្តែត្រូវមានមួកការពារពារផងដែរដើម្បីកុំអោយការភ្លាត់ត្រូវភ្នែកជាដើម។ ម្យ៉ាងវិញទៀត បើនិយាយពីដាវហ្វឹកហាត់ចំណុចណាគួរអោយគ្រោះថ្នាក់ឡើយពីព្រោះមានកុងតាក់លោតភ្លើងជាសញ្ញាហើយក៏មិនដូចដាវចាក់សម្លាប់គ្នាដែរ។ តាំងពីបានហាត់កីឡាគុនដាវនេះតាំងពីឆ្នាំ២០០៦មកកញ្ញាឆាយ ច័ន្ទស៊ីថារីមានអារម្មណ៍ថាដូចជាមានភាពរហ័សរហូនជាងមុន។

កញ្ញាឆាយ ច័ន្ទស៊ីថារីនឹងមិនបោះបង់ចោលកីឡាគុនដាវទេទោះបីជាមានការវល់យ៉ាងណាក៏ដោយ ក៏នៅតែឆ្លាតពេលហាត់ជាបន្តទៀតក្នុងគោលបំណងថែរក្សានិងអភិរក្សកីឡាគុនដាវដើម្បីអោយក្មេងជំនាន់ក្រោយស្គាល់៕

អត្ថបទៈ ឆន ទិត្យ

ចែករំលែកទៅ:

មានមតិ »

Novak Djokovic និង Robin Soderling ដឹកដៃគ្នាឡើងទៅវគ្គ១/៤

ផ្សាយក្នុងផ្នែក លទ្ធផល ដោយ mengkiang កាលពី 7 Sep 2010

Novak Djokovicមកពីស៊ើប និងជាកីឡាករវាយតិន្នីសលំដាប់លេខ៣របស់ពិភពលោក អាចយកឈ្នះ Mardy Fish លេខ២១មកពីសហរដ្ឋអាមេរិកបានហើយកាលពីយប់មិញដោយលទ្ធផលទាំងបីសិតដាច់ ៦-៣ ៦-៤ និង៦-១ ធ្វើអោយការតាំងចិត្តរបស់ Mardy Fish មិនបានសម្រេចឡើយក្នុងការដណ្ដើមជើងឯក US Open នៅឆ្នាំ២០១០នេះ ។

Robin Soderling មកពីស៊ុយអែតលំដាប់លេខ៥របស់ពិភពលោកបាយយកឈ្នះលើ A. Montanes លេខ២៣របស់ពិភពលោកមកពីអេស្ប៉ាញបីសិតទល់និង១សិតដោយលទ្ធផល ៤-៦ ៦-៣ ៦-២ និង៦-៣។

នៅក្នុងសិតដំបូង A. Montanes បានធ្វើអោយRobin Soderling បុកពោះយ៉ាងខ្លាំងដោយការវាយបានលទ្ធផលដ៏ល្អឈ្នះ ៦-៤ ប៉ុន្តែដល់សិតទី២ ៣ និង ៤ Robin Soderling មិនបានធ្វើអោយអ្នកគាំទ្រអស់សង្ឃឹមទេក្នុងការឆ្ពោះទៅរកជើងឯកដោយយកឈ្នះទាំងបីសិតចុងក្រោយជាប់គ្នាវិញ។ នេះចាត់ទុកជាការប្រកួតរហូតដល់៤សិតយ៉ាងស្វិតស្វាញ ខណៈពេលដែល ២គូរទៀតប្រកួតត្រឹមតែ៣សិតប៉ុណ្ណោះ។ Robin Soderlingរង់ចំាជួបជាមួយ Roger Federer ឬ Jürgen Melzer ដែលត្រូវប្រកួតយប់នេះ។

Gaël Monfils អ្នកវាយតិន្នីសលំដាប់លេខ១៧របស់ពិភពលោកមកពីបារាំងបានយកឈ្នះមិត្តរួមជាតិRichard Gasquet លំដាប់លេខ៣៧របស់ពិភពលោកដោយលទ្ធផល៦-៤ ៧-៥ ៧-៥។ Gaël Monfils ត្រូវប្រឈមនឹងNovak Djokovicគេទទួលស្គាល់ថាខ្លាំងក្នុងពិភពតិន្នីសអន្តរជាតិ។ តើ Gaël Monfils មានសំណាងទៀតទេពេលជួបជើងដូចជា Novak Djokovic?

បកប្រែៈ ឆន ទិត្យ
កែសម្រួលៈ ស្រ៊ុន ម៉េងគាង

ចែករំលែកទៅ:

មានមតិ »

ស្ពានអាកាសឥឡូវយ៉ាងម៉េចដែរ?

ជម្រុះ Euro ២០១២ យប់នេះ

នាង យូការី នីស៊ីអូ ត្រៀមរៀបការ

មច្ឆាដ៏កម្រនៅអាត្លង់ទិច

ហ៊ឹម ស៊ីវន ប្រតិកម្មរឿងពាក់ព័ន្ធនឹងពេជ្ជតា!

អ្ហាក! ជឿទេថាដំរីខ្លាចស្រមោច

Maria Sharapovaខកចិត្តនៅជុំទី៤

សិល្បករកូរ៉េ៤៤នាក់ ទាញទាក់អ្នកទស្សនា១ម៉ឺន៥ពាន់នាក់នៅអាមេរិក

ឆាយ ច័ន្ទស៊ីថារី៖ ខ្ញុំចង់បានមេដាយ

Novak Djokovic និង Robin Soderling ដឹកដៃគ្នាឡើងទៅវគ្គ១/៤

ស្វែងរក

រឿងថ្មីៗ

ផ្នែក

ថាក

មតិថ្មីៗ

ស្វែង​រក

រឿង​ថ្មីៗ

ផ្នែក

ថាក

មតិថ្មីៗ

ស្វែងរក

រឿងថ្មីៗ