ត្រីយក្សធ្លាក់លើរង្គើតែទូកម្ចាស់រួចខ្លួន
ពុទ្ធោ! ធំសម្បើមណាស់ កុំថាឡើយគ្រាន់តែឃើញតាមរូបថត ទោះជាបើកភ្នែកអោយធំៗមើលផ្ទាល់តែម្ដងក៏ពិបាកនឹងជឿដែរ។
នៅជាយឆ្នេរសមុទ្រអាហ្វ្រិកខាងត្បូង ត្រីបាឡែនទម្ងន់៤០តោនបានហក់ឡើងមកលើទឹកហើយធ្លាក់មកបុកនឹងទូកក្ដោងដែលមានប្រវែង៣៣ហ្វូត។
ម្ចាស់ទូក Ralph Mothes បាននិយាយថា “វាគឺជាសម្លេងខ្លាំងណាស់ នៅពេលដែលយើងលឺត្រីបាឡែនវាត់កន្ទុយរបស់ពួកវា ពួកយើងចាប់អារម្មណ៍នឹងសម្លេងនោះ។”
អ្នកអុំទូកនៅក្បែរនោះអាចប្រវេប្រវាថតរូបត្រីសមុទ្រដ៏ធំមហិមាដែលលោតចេញពីទឹកនេះបាន គឺនៅចំពីលើទូក។ រូបបន្ទាប់បង្ហាញពីការបំផ្លាញទូករបស់ Mothes ដែលត្រីបាឡែនធ្លាក់លើដូចជាដុំឈើតូចមួយ។
អ្វីដែលគួរអោយភ្ញាក់ផ្អើលនោះគឺគ្មាននរណាម្នាក់រងរបួសនោះទេ ហើយទូកដែលរងការខូចខាតនៅតែអាចបណ្ដែតខ្លួនបាន។ CBS News បានធ្វើបទសម្ភាសន៍មួយដ៏គួរអោយភ្ញាក់ផ្អើលជាមួយនឹងលោក Mothes និង ប្រពន្ធរបស់គាត់នៅក្នុងកម្មវិធី The Early Show៕
បកប្រែៈ ស្រ៊ុន ម៉េងគាង
ចែករំលែកទៅ: |           |
